30/11/2018.- NOVAS MUNICIPAIS     

Con motivo da celebración da XIX edición da Carreira Popular de Pontecesures o vindeiro día 29 de decembro –de 16.15 a 18.30 horas-, o Concello de Pontecesures convida a tódol@s veciñ@s a participar nesta nova edición.

Indicar que como novidade destos 2 últimos anos (2017 e 2018) duplicouse a distancia do percorrido da proba absoluta ate os 9 Km.

Este feito, e a experiencia do pasado ano, fainos pensar que a participación vai a ser importante e superará as de pasadas edicións, ao convertirse nunha proba de certa entidade.

Paralelalemente, co novo trazado, a loxística da proba tamén se complica e fai necesario unha maior presenza de Policía Local, Protección Civil e persoal voluntari@.

É neste último punto onde o concello solicita a colaboración veciñal a nivel loxístico para a realización da proba.

Precisamos voluntari@s tanto para a entrega de dorsais, camisetas etc., como para situarse ó longo do percorrido polo que transcorre a proba a fin de garantir a seguridade e o bo desenrrolo da proba.

Polo tanto, todas as persoas que voluntariamente queiran colaborar na organización da nosa CARREIRA POPULAR poden anotarse nas oficinas do concello de Pontecesures dende o 3 ata o 21 de decembro ou mandar un e-mail cos seus datos (nome e teléfono móbil) a xuventude@pontecesures.org.

Animase a todos os veciños e veciñas a colaborar nesta 19ª edición que esperemos  consolide a nosa carreira nun referente deste tipo de probas a nivel autonómico.

Enlace web da XIX CARREIRA POPULAR.