31/05/2021.- NOVAS MUNICIPAIS
De todos é sabido a escaseza de solo para actividades empresariais que estamos a sufrir na comarca; o que está a provocar que empresas asentadas na zona teñan que trasladarse a outros concellos ás veces alonxados do centro de producción principal ou trasladar a súa producción a outras zonas.
Xestur Galicia, organismo encargado da promoción e comercialización de solo empresarial en Galicia, tras reunións co Concello de Pontecesures e empresas interesadas en asentarse no noso pobo que se remontan xa ao ano 2019, entendeu que había posibilidades de poñer en marcha un polígono empresarial na zona de Redondo-Tarroeira.
Ditos traballos pasan, primeiramente, por unha análise das características da zona onde se pretende poñer en marcha o polígono, fundamentalmente, características do solo, vías de comunicación, necesidades de abastecemento e saneamento e outras.
Tras os primeiros traballos de levantamentos topográficos, que se levaron a cabo durante as pasadas semanas, toca agora o traballo de “deseñar” cómo sería a futura distribución de parcelas, qué zonas se desenvolverían e cales non, onde se implantarán zonas verdes e dotacións públicas, comunicacións, etc.
Para determinar todo elo é o proxecto de ordenación que a Xunta acaba de licitar e que se recolle nos medios estes días.
A duración de eses traballos estímase en 13 meses, incluíndo as tramitacións administrativas.
Estamos a recibir nas oficinas do Concello numerosas chamadas da veciñanza interesándose pola implantación de dito polígono, o cal demostra o interese e tamén a preocupación polo seu desenvolvemento.
Indicar que é prematura dita preocupación, xa que tendo en conta que na zona onde se pretende desenvolver o polígono empresarial existen centos de fincas, fai que sexa un traballo minucioso e laborioso o que ten que levar a cabo Xestur para plantexar un proxecto de polígono empresarial que se adapte ás características especiais do noso concello.
A medida que vaiamos tendo novidades sobre as resultas do Proxecto de Interese Autonómico (PIA) que se está a desenvolver pola Xunta, dende o Concello plantexaremos reunións coa veciñanza afectada a fin de expoñer cómo se levaría a cabo o desenvolvemento do polígono e as posibles implicacións para os propietarios.
Pontecesures, 31 de Maio de 2021
O Alcalde
Juan Manuel Vidal Seage
|