24/11/2021.- NOVAS MUNICIPAIS
Nas últimas semanas estanse a levar cabo as obras de recuperación dos manantiais de abastecemento de augas no Monte Salgueiras en Pontecesures. Esta actuación permitirá un maior e mellor abastecemento das instalacións da ETAP municipal, permitindo unha menor dependencia do bombeo de auga do río Ulla e mellorando a calidade da rede de abastecemento de auga. A finalización destas obras está prevista para a primeira semana de decembro.
Esta obra está financiada ao 100% pola Consellería de Infraestruturas e Mobilidade da Xunta de Galicia a través do organismo público de Augas de Galicia, cun orzamento de 48.349,48 €. Esta financiación lévase a cabo no marco do eixo REACT-UE da Unión Europea a través do Fondo Europeo de Desenvolvemento Rexional (FEDER).
|