A alcaldesa ditou a Resolución núm.: 2026-0165, con data de 10/02/2026, pola que aprobaba as bases que rexerán a contratación de 3 traballadores/as (2 peóns de obra pública; e 1 operario/a  de limpeza de edificios municipais)

As contratacións serán a tempo parcial cunha xornada de 25 horas semanais para o posto de peón de limpeza de edificios municipais; e xornada completa de 37.5 horas semanais para os postos de peón de obra pública. Todos durante un prazo máximo de 10 meses. Finalizando en todo caso na data máxima do 31.12.2026.

 De acordo coa subvención, as traballadoras e traballadores que se contraten para realizar as obras ou prestar os servizos polos que se outorgue a subvención deberán ser persoas desempregadas, inscritas no Servizo Público de Emprego de Galicia como demandantes non ocupados e que estean dispoñibles para o emprego (tanto no momento da selección como no da formalización do contrato).

 Tras presentar as correspondentes ofertas de emprego no Servizo Público de Emprego de Galicia, para a preselección de persoas candidatas para:

- 2 postos de Peóns De Obra Publica, esta oficina preseleccionou a 10 persoas (Oferta 12-2026-851).

- 1 posto de Peón Limpeza Edificios , esta oficina preseleccionou a 5 persoas (Oferta 12-2026-835).

As persoas preseleccionadas que foron contactadas polo departamento de Persoal vía telefónica e vía correo electrónico a través dos datos que figuraban nos currículos que remitiu a Oficina de Emprego de Vilagarcía de Arousa tiveron, segundo o previsto nas bases reguladoras destes procesos de selección, un prazo de 3 días hábiles, a contar dende o día seguinte ao do requirimento, para presentar a instancia de participación nos procesos para os que foron preseleccionadas.